وسام المنتدى
من طرف 
اخواني اعضاء منتدانا الكرام بداية صح فطوركم وسحوركم ورمضان كريم مبارك انا اختكم في الله رقية القلب وجيت اليوم وجبتلكم وصفتي السحرية للبراك ههههههههههههههههههههه راني نتمسخر برك معاكم لكن هذه الطريقة الخاصة بيا للبراك وهي مهداة خص نص لرحومة لانها البارح قالتلي نعتيلنا كيفاه تديري البراك وانا كنت تحت امرها وطوعها واليوم لما قمت بتحضيرو سلفت بورطابل تاع اخو زوجي هههههههههههههههههههههه الله غالب تاعي مسكين يادوب يهدر المهم وصورت المراحل تاع التحضير بالخطوة وصراتلي مشاكل وبروبلامات خليها على ربي وراحو تصاور وتخلطت عليا لا علينا بدون اطالة عليكم نخليكم مع الطريقة والمقادير بداية غسلت البطاطا وقشرتها وغسلت البيض وحطيتهم يطيبو في الماء وقليل من الملح طبعا صورتهالكم وهي قبل ما تتقشر لكن بخبرتي الطويلة فالتصوير ماعرفتش نصور وكي فقت كانت البطاطا فالنار تطيب ههههههههههههههههههههههه 
ومن بعد جبت البصلة والطماطم والمعدنوس والدبشة والزيتون أخضر وطماطم علب ملعقة وطبعا الملح والفلفل الاسود كما في الصورة 
الحبة تاع القارص تاع فلسطين ههههههههههههههههههههه هي ماتاكلش البراك بلا قارص المهم نكملو رحيت البطاطا والطماطم وقصيت المعدنوس والدبشة والزيتون قصيتو قطع صغار وملعقة الطماطم المصبرة وشوية زيت والملح والفلفل الاسود وحطيت الكل في مقلاة 
ومن بعد حطيهم على النار يطيبو مع مراعات انك ملحتي البطاطا والزيتون مالح يعني الملح بلعقل برك 
ولما يتقلا والبطاطا تاني تكون طابت نحيها وخلطيها في بعضاها كما في الصورة 
والنتيجة تكون هكذا 
خليها بجهة وروحي حضري اللوازم الاخرى الي يتكون منها الحشوة اولا نأخذ البيض الي طيبناه مع البطاطا ونرحيه 
وناخذ قليل من اللحم المرحي ونقليه مع شوية زيت ونحطوه بجهة 
انا كنت صورتها وهي فالمقلاة لكن الله غالب راحت الصورة كيما راحو الي معاها ههههههههههههههههههه وخذي شوية كشير وقطعيه مربعات صغار وحطيه في صحن وخليه 
وخذي زوج بيضات ولا تلاتة ولا حتى تقدري تحطي في كل براكة بيضة نية يعني خضرا موش طايبة يعني حسب الرغبة 
وبعد ما تكوني وجدتي كلش ننتقلو لمرحلة القلي 
وجدي اوراق الخطفة او الديول والبطاطا الي كنا حضرناها والمكونات الاخرى وحطي المقلاة على النار تكون متوسطة وفيها قليل من الزيت ونبداو على بركة الله 
نأخذ ورقة ديول ونحط شوية بطاطا 
ونحط عليها شوية لحم مرحي 
ونزيد شوية كشير 
ونزيد نحط البيض المرحي 
وفي الاخير نحط البيضة النيئة 
و نطبقها على بعضها ونحطها في المقلاة تتقلى على نار متوسطة 
ونكمل باقي الورقات بنفس الطريقة طبعا تقدري تحطي واش تحبي مثلا فرماج او انواعمن السمك او لحم او دجاج يعني على حسب الرغبة والامكانيات 
وهنا البراك وجد بعد جهد جهيد هههههههههههههههههههههه 
اتمنى تكون طريقتي عجبتكم وصحة وهناء على قلوبكم لا تنسونا من صالح دعائكم والسلام عليكم ورحمة اله تعالى وبركاتهعدل سابقا من قبل رقية القلب في الأربعاء سبتمبر 22, 2010 8:59 pm عدل 5 مرات
]
